Плускавци
Меур, плик или плускавец е мал џеб исполнет со течност кој се формира на некој дел од телото. Плускавци може да се појават по изгорување на кожата, бактериска или габична инфекција, каснување од инсект или траума. Во зависност од тоа каде се наоѓа, плускавецот може да пречи во нормалните, секојдневни активности.
Плускавци често се формираат на стапалата, табаните и петите поради носење неудобни чевли. Плускавците на нозете и рацете избиваат поради влага и триење, затоа треба да се внимава рацете и нозете секогаш да бидат суви, бидејќи тоа ќе спречи нивно формирање.
Третманот се состои во избегнување на повторувачко триење и притисок на местото каде што се развиваат плускавци, користење соодветна обувка и заштитни средства, како и ортопедски влошки. Доколку овие мерки не се доволни, плускавците може постепено да се отстранат со употреба на хемиски препарати со салицилна киселина, а доколку се појави инфекција може да се применат и локални антибиотици.